was successfully added to your cart.

Nordstemt og Xperiment

By 1. september 2017Reinsaríið

Sangbólkarnir Nordstemt og Xperiment hava dupultkonsert í Reinsarínum 1. september kl. 19.

 

Nordstemt

Ræddarbólkurin Nordstemt er mannaður av 12 framsóknum songkvinnum úr Føroyum og Danmark. Bólkurin er fyrst og fremst at hoyra á Vestur Fjóni. Tær elska sang og skapa sítt ljóð úr síni norrøna tónlistarliga siðaarvi. Stemmað í norrønum tónum er ljóðið frá ráðum til vakurt og dragandi.

Bólkurin syngur einans tónleik av norrønum komponistum, men tónleikurin er annars sera fjølbroyttur, hóast alt hevur eitt norrøn “vibe”, sum tey taka til. Her er alt frá ráum, eirindaleysum fólkavísum, vøkrum og dragandi sálmum til vælljóðandi popp, ið alt vísir fjøltáttaða tónleikaliga landslagið í Norðurlondum.

Tað er kórleiðarin Tina Rassin, ið hevur lagt allan tónleikin til rættis. Fyri Nordsemt hevur tað týdning, at løgini geva meining, og tey skulu syngjast við eldhuga, magn, virðing og hjarta.

 

Xperiment

Xperiment gjørdist fólkaogn, tá tey fyri nøkrum árum síðan góvu sína útgávu av lagnum Lívsmynd út. Ræddarbólkurin hevur grund í Musikkskúlanum, og er eitt av teimum nógvu spennandi tónleikabørnunum, hjá kórleiðaranum Sigrid Sivertsen, ið eisini er kend frá Morgunkórinum og barnakórinum Dropum.

Tey hava støðugt gjørt vart við seg, við nýtulkingum av føroyskum sangperlum, av ymiskum slag. Eitt av hæddarpunktunum var, tá tey vunnu heiðurin sum ársins livebólkur í 2014. Seinastu tíðina hevur Xperiment ikki verið líka ofta alment at hoyra, men tey hava tó verið líka virkin , serliga við framførslum til borðhald og onnur tiltøk. Á kórstevnuni í vár, vann Xperiment tvær av heiðurslønunum, fyri mest originalu framførslu og so áskoðaraheiðurslønina.

1. september  verður høvi aftur at hoyra bólkin á almennum palli.

X